Nýr dagur, 69 X 69 cm

Nýr dagur,  69 X 69 cm

"Lómagnúpur er mér sérlega hugleikið mótíf, þessi goðsagnar kenndi risi sem stendur úr fjallgarðinum vestan við Vatnajökul  er einstakt fjall sem ég þreytist ekki á að mála, mótíf sem leyfir mér allt það frelsi sem gefur mér ánægjuna af því að mála. Titillinn Nýr dagur kom til mín þegar ég horfði á verkið og mér fannst mikil bjartsýni og ljómi í myndinni og fátt þykir mér betra en að hefja nýjan dag, viku, mánuð eða ár. Maður tekur við nýju upphafi með opinn faðm og tilbúinn til að takast á við ný verkefni". - Tolli

Lómagnúpur hefur komið fyrir í sögu Íslendinga, en hans er getið í Njálssögu, þar sem hann kemur fyrir í draumi Flosa Þórðarsonar á Svínafelli. Flosi var upphafsmaður þess að kveikt var í bæ Njáls Bergþórssonar og fjölskyldu hans. Flosa dreymir að hann sé staddur á bæ við Lómagnúp, hann gengur út og lítur til Gnúpsins. Í draumnum opnast fjallið og jötunn klæddur geitarskinni með járnstaf í hönd stígur út úr fjallinu. Hann þylur upp nöfn mannanna 25 sem standa að brennu Njáls, hann ber svo stafnum í jörðina og gengur aftur inn í fjallið. Allir mennirnir sem jötuninn nefnir eru drepnir síðar í sögunni í hefndarskyni fyrir að hafa staðið að því að brenna Njál inni.
Jötuninn í Lómagnúpi prýðir skjaldarmerki Íslands. Hann er einn fjögurra landvætta Íslands og ver suðurströndina fyrir illum öflum.

Myndin er prentuð á hágæða sýrufrían 290gr Luster ljósmyndapappír. Prentun er framkvæmd með faglegasta móti og nýjustu tækni beitt við prentverkið. Blekin hafa í sér UV vörn og við bestu aðstæður þ.e ef myndin er sett undir glampafrítt gler í vandaðan ramma, þá spannar líflengd verksins margar kynslóðir. (Athugið að verkið er ekki innrammað)

Takmarkað upplag í 50 númeruðum eintökum, árituð af listamanninum

Afhending hefst mánudaginn 17.nóvember milli 12-18 og svo alla föstudaga þar eftir milli 14-18 á Koparsléttu 14. 162 Reykjavík.

Vertu hjartanlega velkomin